Archive for the – De todo un pouco Category

Este sábado, BANDA!

Posted in - De todo un pouco, - Música en Lugo on 11/03/2014 by musog
banda2.
(Quizá del gót. bandwō, signo, bandera).
 1. f. Grupo de gente armada.
2. f. Parcialidad o número de gente que favorece y sigue el partido de alguien.
3. f. Bandada, manada.
4. f. Pandilla juvenil con tendencia al comportamiento agresivo.
5. f. Lado de algunas cosas. De la banda de acá del río de la banda de allá del monte.
6. f. Conjunto de tambores y cornetas, o de músicos que pertenecen a institutos armados de a pie, o de trompetas que sirven en cuerpos montados del Ejército. A veces la banda comprende toda clase de instrumentos de viento.

7. f. Conjunto de instrumentistas, con o sin cantantes, que interpreta alguna forma de música popular.
8. f. Mar. Costado de la nave.
 9. f. Cuba. Cada una de las dos partes en que se divide longitudinalmente el cuerpo de una res al ser sacrificada.
10. f. ant. costado      (‖ del cuerpo humano).
11. f. pl. Impr. Carriles de hierro sobre los cuales va y viene el carro o la platina en algunas máquinas de imprimir.

Hai que ver a de acepcións que ten esta 2ª entrada do término BANDA no diccionario da RAE.
Se vos parece ímonos quedar coa número 6 na súa segunda parte, para vos invitar a un concerto: o que a Banda Filarmónica de Lugo celebrará o vindeiro sábado, 15 de marzo, ás oito da tarde no Círculo das Artes.

Creo que hai varias razón polas que vos pode gustar acudir a este concerto:

1ª.- Porque é un proxecto de moi recente creación (este é de feito o segundo concerto da agrupación) que como tal paga a pena coñecer e apoiar.
2ª.- Porque é una agrupación integrada na súa inmensa mayoría por xente nova da nosa cidade.
3ª.- Porque un bo número dos seus compoñentes son (ou foron moi recentemente) alumnos e alumnas deste instituto, e polo tanto compañeiros ou ex-compañeiros vosos.
4ª.- E sobre todo porque como alumnado “musical” que sodes é de suponer que estades atentos e interesados por este tipo de propostas culturais e musicais.

Se queredes saber algo máis sobre este proxecto premede aquí.

Os mellores documentais do rock?

Posted in - De todo un pouco on 13/02/2014 by musog

“Cal é o mellor documental de rock de tódolos tempos?”

Esa é a pregunta que a revista en liña Indiewire realizou a unha serie de prestixiosos críticos musicais, que aportaron polo visto un montón de posibles respostas. Parécenos un enlace interesante se che gusta a música ou o cine ou ámbalas dúas cousas. Así que se che dá curiosidade accede a este enlace e poderás enterarte de qué merece a pena coñecer.

As sinfónicas saen á rúa.

Posted in - De todo un pouco on 24/09/2013 by musog

E saíron á rúa o pasado 23 de setembro en 16 cidades españolas simultaneamente, nun concerto protesta contra os recortes que están levando a moitas destas importantísimas institucións culturais a pasar por momentos moi difíciles.

orquestra

A peza elexida para abrir este marabilloso concerto gratuito e ó aire libre foi a alegre obertura da ópera de Gioacchino Rossini “La gazza ladra”, da que vos podedes deleitar no seguinte vídeo protagonizado pola Orquestra Ciudad de Granada precisamente tal día en cuestión.

Comezamos!

Posted in - De todo un pouco on 17/09/2013 by musog

Boas! Que tal de verán e período vacacional?

Esperamos que fose de descanso para comezar con forza renovada este curso 2013-2014. Para ir abrindo boca facémosvos unha suxestión de lectura divertida (penso que no pasado xa foi suxerida pero buuufff… non lembro). Trátase dun cómic sobre a historia da música, quizais por contidos é máis axeitado ó alumnado de 3º da ESO pero seguro resulta interesante para todos @s alumn@s musicais (e non musicais, of course, ;))

Preme na imaxe e a disfrutar!

descarga (3)

Préstasme a túa casa para un concerto?

Posted in - De todo un pouco on 14/04/2013 by musog

Casas de Música.
Así se chama un proxecto que veño de coñecer e que vos quería amosar.
A idea é moi sinxela: a celebración de concertos en casas particulares. Músicos, público, e unha persoa que cede a súa casa para acoller o concerto.
Ademais de sinxela é unha idea pouco orixinal. Durante moitísimo tempo as casas particulares (os pazos da burguesía, da aristocracia, dos ricos mecenas…) foron o lugar onde se escoitaba a música. De ahí precisamente nace a expresión “música de cámara” (música en habitacións, en salóns privados).
Pois con todo ser sinxela e pouco orixinal, a min particularmente paréceme unha idea xenial. Recuperar eses concertos nos que público e músicos están próximos, uns a carón dos outros. Música “á orella” como lles gusta dicir a uns amigos meus.
E tamén me encanta a filosofía que subxace neste proxecto: unha iniciativa cidadán pola música. Os particulares toman a iniciativa da organización e da promoción cultural.
E por certo, tócannos ben cerca: mañá luns un destes concertos en Arneiro (Cospeito).

Anímovos a coñecer máis sobre este proxecto.

“A film about kids and music”

Posted in - De todo un pouco on 14/02/2013 by musog

 Esta fin de semana estréase unha película-documental sobre unha escola de música municipal na localidade barcelonesa de Sant Andreu. A historia é a dun grupo de alumnos e alumnas dirixidos por un gran músico de jazz, Joan Chamorro: dende que este iniciara as clases de combo instrumental con só dos seus 7 alumnos de saxofón xa cambiaron moito as cousas para estes rapaces, que agora son máis de 20 e teñen percorrido unha importante traxectoria musical e vital sendo un referente para as escolas de música e para o jazz.

 Animádevos a ver o trailer e despois o filme, unha mostra de como a música é esencial para a formación integral das persoas e de como con esforzo, traballo, paixón e ilusión postos no que che gusta se poden conseguir grandísimas cousas.

Unha nova máquina musical

Posted in - De todo un pouco on 05/02/2013 by musog

Aló polo 7 de marzo de 2009 publicabamos una entrada neste mesmo blogue titulada “Fantástica Máquina Musical?”

Tratábase dun vídeo que amosaba una curiosa máquina que con precisión milimétrica lanzaba unas pequenas bolas;  estas  impactaban contra cordas, membranas e elementos metálicos que, percutidos deste curioso xeito remataban por facer una fermosa música.

Pois ben, o dito vídeo xa non está (ai sí! agora non vos queixedes… Tivestes catro anos para velo!!!). Pero estes días enviáronme un vídeo que me recordou a aquel, e que me gustaría compartir con vós de novo. Esta vez xa non imos preguntar se vos parece real ou non. Simplemente disfrutade desta máquina perfectamente sincronizada na que unhas púas que semellan cabezas de pterodáctilo pulsan as cordas, mentres unhas patas aracnoides se encargan dos trastes deste alambicado e complexo “instrumento”.